Казанда 2 миллион сумлык самолет детальләрен урлаганнар

Караклар «ГАЗель» автомобиленнән самолёт турбиннары өчен ясалган 2 әрҗә җылылык приборларын алган.

(Казан, 6 апрель, «Татар-информ»). 5 апрельдә Казанда 2 миллион сумлык самолет детальләрен урлаганнар, дип хәбәр итте «Татар-информга» хокук саклау органнары чыганагы.

Инцидент кичә төнлә Кирпичников крамындагы 25нче йорт янында булган. Билгесез кешеләр «ГАЗель» автомобилен ачып, самолёт турбиннары өчен ясалган 2 әрҗә җылылык приборларын алып киткән.

Приборлар «Казан приборлар төзелеше конструкторлык бюросы» оешмасыныкы булган. Әлеге предприятие безнең илнең очу аппаратлары өчен датчиклар һәм электрон аппаратуралар җитештерү белән шөгыльләнә.

Зыянның гомуми суммасы 2 195 225 сум. Әлеге факт буенча “Зур күләмдә урлау” маддәсе буенча җинаять эше кузгатылган.