Мәскәү татар яшьләре активисты Камил Әмиров 36 яшендә вафат булган

Камил Әмиров Ульяновск өлкәсенең Сайман авылында, әнисе кабере янында күмеләчәк.

(Казан, 6 март, «Татар-информ», Гөлүзә Ибраһимова). Мәскәү татар яшьләре активисты Камил Әмиров вафат.

«Камил Әмиров хатыны Виолетта (Вәлишина) белән „Бердәмлек“ яшьләр клубының эшчәнлегендә актив катнашты. Алар шунда ук таныштылар да», — диде Мәскәү өлкәсе татар милли-мәдәни мохтариятенең яшьләр комитетының рәисе Римма Гомәрова.

Камил Әмировка 36 яшь булган, аның ике баласы калган.

Камил Әмиров белән хушлашу иртәгә 10:30 сәгатьтә Мәскәүнең Җәмигъ мәчетендә узачак. Ул Ульяновск өлкәсенең Сайман авылында, әнисе кабере янында күмеләчәк.