Хәвеф-хәтәр 29 декабрь 2016 11:43

Нурлат районында ике кеше янып үлгән

Дөрләгән утны авыл халкы янгын сүндерүчеләр килгәнче сүндереп өлгергән.

Скопировать ссылку

(Казан, 29 декабрь, «Татар-информ»). Нурлат районында ике әби янгында һәлак булган, дип хәбәр итә Россия Гадәттән тыш хәлләр министрлыгының Татарстан буенча Баш идарәсе матбугат хезмәте.

Янгын кичә сәгать 11дә Яңа Әмзә авылында булган. Ул Ленин урамындагы шәхси йортта чыккан. “Әмзә” үзирекле янгынчылык дружинасын каршы алган күршеләре белдергәнчә, йортта 89 һәм 86 яшьлек 2 әбинең мәете табылган.

Янгын мәйданы 6 кв.метр тәшкил иткән. Дөрләгән утны авыл халкы янгын сүндерүчеләр килгәнче сүндереп өлгергән. Беренчел версия буенча, электр җиһазын монтажлаганда кагыйдә бозылуы өйгә ут кабуга сәбәп булган.

Сәхифәләр

Нурлат районында ике кеше янып үлгән