Татарстанда трассада ике җиңел машина бәрелешкән, биш кеше зыян күргән
Юл-транспорт һәлакәте кичә кич Арча районының Иске Чүриле авылы янында булган.
Скопировать ссылку
(Казан, 5 декабрь, «Татар-информ», Павел Климчак). Кичә кич белән Татарстанда Арча районының Иске Чүриле авылы янында юлда ике җиңел машина бәрелешкән, биш кеше зыян күргән. Бу хакта авария шаһитлары хәбәр итте.
Авариядән соң бер машина юл кырыена төшеп киткән.
Юл-транспорт һәлакәтендә катнашучыларның барысы да: машина йөртүчеләр һәм өч пассажир зыян күргән. Алар авыр җәрәхәтләр алган, барысын да Арча хастаханәсенә озатканнар.
