Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда борынгы чиркәүдә сыер абзары ясаган өчен, фермерга штраф салулары ихтимал
Спас районы прокуратурасы Татарстанның ике авылында архитектура һәйкәлләренең сыер абзары һәм ашлык складына әверелүе турындагы мәгълүматны тикшерде.
(Казан, 5 август, «Татар-информ», Павел Климчак). Спас районының ике авылында архитектура һәйкәлләрендә сыер абзары һәм ашлык складлары ясаган өчен, фермерны җаваплылыкка тартулары ихтимал.
Район прокуроры Глеб Тимофеев объектларда булды. Мәгълүматлар расланды.Танкеевка авылында Троицк чиркәве склад сыйфатында файдаланыла, ә Ширбәт авылында изге князь Михаил Тверский чиркәвендә сыер абзары ясаганнар.
ТР прокурорының өлкән ярдәмчесе Руслан Галиев хәбәр иткәнчә, Танкеевка авылы фермер хуҗалыгы башлыгына карата РФ мәдәни мирас объектларын саклау турындагы законны бозган өчен административ эш кузгатылган. Аңа 20 меңнән 300 мең сумга кадәр штраф яный.
Чиркәүдә сыер абзары ясаган икенче кешегә карата тикшерү материалларын ТР Мәдәни мирас объектларын саклау комитетына җибәргәннәр.
Моннан тыш, күзәтчелек ведомствосы Полянка һәм Красная Слобода авыл җирлекләре башкарма комитетлары җитәкчеләреннән гаепле затларны җәзага тартуны таләп итте.
Кызыклы яңалыкларны күзәтеп бару өчен Телеграм-каналга язылыгыз