Казанда 58 яшьлек хатын-кыз, трамвайдан егылып төшеп, җитди җәрәхәтләр алган

Бот сөяге муентыгы сынган зыян күрүчене ашыгыч ярдәм машинасында хастаханәгә озатканнар.

(Казан, 5 июль, «Татар-информ»). Казанда 58 яшьлек хатын-кыз, трамвайдан егылып төшеп, җитди тән җәрәхәтләре алган. Бу хакта «Татар-информ» агентлыгына республика Дәүләт автоинспекциясеннән хәбәр иттеләр.

«Пәнҗешәмбе көнне, 4 июльдә, 16.25 сәгатьтә 5нче маршрут трамваен идарә итүче хатын-кыз Җиңү проспектындагы 230нчы йорт каршында, башлангыч мәгълүматларга караганда, ишеге ачык килеш кузгалып киткән, нәтиҗәдә 58 яшьлек хатын-кыз трамвайдан егылып төшкән», - дип искәрттеләр ведомствоның матбугат хезмәтендә.

Бот сөяге муентыгы сынган зыян күрүчене ашыгыч ярдәм каретасында хастаханәгә озатканнар.