Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Covid-19 инфекциясен татарстанлылар күбрәк Төркия һәм Краснодар краеннан алып кайткан
Республикада чикләр ачылганнан бирле чит илдән 74 очрак теркәлгән.
(Казан, 5 март, «Татар-информ», Эвелина Киселева). Еш кына Татарстан халкы яңа коронавирус инфекциясен Төркия яки Краснодар крае курортларында булган вакытта эләктергән.
«Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина шул хакта сөйләде.
«Августта бездә чикләр ачык иде. Бүгенге көндә Татарстанга кергән 74 чит ил очрагы билгеле. Төп, әлбәттә, чир Төркиядән кайтучыларда — 33, шулай ук Танзаниядән — биш, Гарәп Әмирлекләреннән — ике, Мальдивлардан — бер очрак булды», — диде спикер.
Россиянең курорт төбәкләре арасында чирне күбрәк Краснодар краеннан — 20, Кырымнан 11 очрак һәм икесен Ставропольдән алып кайтканнар.
Любовь Авдонина ял итәргә җыенучы барлык республика халкын бөтен санитар кагыйдәләрне үтәргә чакырды. Шулай ук ул күп кенә илләрдә коронавирустан вакцина алган кешеләрне сәламләргә шат булуларын билгеләп үтте.
Кызыклы яңалыкларны күзәтеп бару өчен Телеграм-каналга язылыгыз