Хәвеф-хәтәр 5 март 2014 13:32

Татарстанда тикшерүчеләр кеше үтерүнең шаһитләрен эзли

Үтерелгән кешенең гәүдәсе Ык елгасыннан чыгарылган

Скопировать ссылку

(Казан, 5 март, «Татар-информ»). Татарстанда тикшерүчеләр ирне үтерүнең шаһитләрен яки берәр мәгълүматы булганнарны эзли.

Россия Тикшерү комитетының ТР буенча идарәсе матбугат хезмәте хәбәр иткәнчә, 2013 нче елның 24 нче октябрендә төнлә Баулы районының Кызыл-Яр авылындагы Совет урамында урнашкан йортлардан 100 метр ераклыкта Ык елгасында билгесез ирнең гәүдәсе табылган.

Әлеге факт буенча, Россия Тикшерү комитетының ТР буенча идарәсенең Бөгелмә районы бүлегендә РФ ҖК 111 маддәсенең 4 нче часте буенча җинаять эше кузгатылган (“Алдан уйлап сәламәтлеккә зыян салу нәтиҗәсендә кеше үлеменә китерү”)

Экспертиза нәтиҗәсе буенча, ир башына һәм тәненә салынган җәрәхәтләр нәтиҗәсендә җан биргән.

Һәлак булучының билгеләре: 35-40 яшьләрдә, 172 см озынлыкта, чәче кара-коңгырт. Сул як янбаш сөягендә якынча 6 см шрам бар.

Зыян күрүченең кемлеге һәм әлеге җинаятьне кылуда катнашы булганнар турында мәгълүматы булган гражданнарның 02, 8 (85594) 9-31-24, 8-987-296-13-58 телефон номерлары буенча хәбәр итүләрен сорыйлар (анонимлык гарантияләнә).

Сәхифәләр

Татарстанда тикшерүчеләр кеше үтерүнең шаһитләрен эзли