Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада пычак белән танышына һөҗүм иткән хатын-кызны тоткарлаганнар
Хатын-кызның кеше үтергән һәм сәламәтлеккә авыр зыян китергән өчен моңарчы да хөкемгә тартылган булуы ачыкланган.
(Казан, 5 гыйнвар, «Татар-информ»). Түбән Камада пычак белән танышына һөҗүм иткән хатын-кызны тоткарлаганнар. Бу хакта ТР буенча Росгвардия идарәсенең матбугат хезмәтеннән хәбәр иттеләр.
Кичә кич Росгвардия хезмәткәрләренә Тукай урамындагы күп катлы йортларның берсендә ир-атка пычак белән һөҗүм итүләре хакында хәбәр килгән. Тәртип сакчылары күрсәтелгән фатирга килгәндә, табиблар зыян күрүчегә беренче ярдәм күрсәтергә өлгергән була инде.
Соңрак ачыкланганча, әлеге фатирда 33 яшьлек хуҗабикә һәм аның 45 яшьлек танышы кәеф-сафа корып утырган. Бер мәлне алар арасында бәхәс купкан һәм хатын-кыз, өстәлдән пычак алып, ир-атның күкрәгенә һәм аркасына берничә тапкыр кадаган.
Әлеге хатын кеше үтергән һәм сәламәтлеккә авыр зыян китергән өчен моңарчы да хөкем ителгән булган. Аны полиция бүлегенә алып киткәннәр. Ул үз гаебен таныган, зыян күргән ир-атны хастаханәгә озатканнар.
Кызыклы яңалыкларны күзәтеп бару өчен Телеграм-каналга язылыгыз