Балтачта аракы сатучы берәүнең эше судка бирелгән

(Балтач, 4 октябрь, "Татар-информ", "Хезмәт"). Балтач бистәсенең Комсомол урамында яшәгән берәү 5 литрлы канистра белән алькогольле сыекчаны шешәләргә тутырып сатуны оештырган, дип яза җирле басма.

Әмма, кырын эш кырык елдан сон да беленә шул. Нәтиҗәдә, легаль булмаган бизнес хуҗасына полиция хезмәткәрләре тикшерү белән керәләр, үткәрелгән тикшерү буенча алынган алькогольле булган сыекча сәламәтлек өчен зыянлы дип табылган. Тикшерү эшләре тәмамланып, эш судка бирелгән.