Казан мэриясендә һәм шәһәрнең сәүдә үзәкләрендә эвакуация бара
Аларда шартлаткыч җайланмалар куелуы турында хәбәр иткәннәр.
Скопировать ссылку
(Казан, 4 июль, «Татар-информ»). Хәзерге вакытта Казан мэриясендә, «Тандем», KazanMall сәүдә үзәгендә һәм башка үзәкләрдә эвакуация бара, аларга ашыгыч хезмәт экипажлары килә.
Агентлыкка мәгълүм булганча, хәбәр Казан мэриясе электрон почтасына килгән. Анда билгесез кеше Казанның барлык сәүдә үзәкләрендә шартлаткыч җайланмалар салынганлыгын хәбәр иткән.
Минск урамындагы «Азино» сәүдә үзәгенә килүчеләрне эвакуацияләү фотолары да барлыкка килде.
