Әлмәттә яшәүче 84 яшьлек әбинең мунчада башына ис тигән

Зыян күрүчене Әлмәт Үзәк район хастаханәсенә китергәннәр.

(Казан, 4 март, «Татар-информ»). Әлмәттә яшәүче 84 яшьлек әбинең мунчада башына ис тигән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Кичә Гадәттән тыш хәлләр министрлыгына Невский урамындагы шәхси мунчада 84 яшьлек карчыкның хәле начараюы хакында хәбәр килгән. Башына ис тигән әбине Әлмәт Үзәк район хастаханәсенә китергәннәр», - дип белдерделәр ведомствоның матбугат хезмәтендә.

Хәзерге вакытта белгечләр әлеге хәлнең сәбәпләрен ачыклый.