Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда мунчада янгын вакытында бер ир-ат һәлак булган
Түбән Кама районының Сарсаз Белән авылында янгын чыккан.
(Казан, 4 гыйнвар, «Татар-информ»). Татарстанда яшәүче ир-ат мунчада чыккан янгында һәлак булган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Кичә 14.11 сәгатьтә 101нче янгын сагы часте чакыру номерына Түбән Кама районының Сарсаз Белән авылында янгын чыгуы турында хәбәр иткәннәр. Янгын сүндерүчеләр Заречная урамында бер йортның мунчасы һәм сарае янганын күргән. Янгын мәйданы 60 квадрат метр тәшкил иткән.
Янгынны тиз арада сүндергәннәр. Мунча хәрабәләрен актарганда ир-ат мәете табыла. Йорт хуҗасы үзе зыян күрмәгән, ул бик нык исерек булган.
Фаразлаулар буенча, ир-атлар салмыш килеш мунча ягарга уйлаган, шуннан соң ул янып киткән һәм ут сарайга күчкән. Янгын нәтиҗәсендә ике корылма да тулысынча янып беткән. Янгынның сәбәбе ачыклана.
Кызыклы яңалыкларны күзәтеп бару өчен Телеграм-каналга язылыгыз