Буада 90 яшьлек бабай пычак кадалган җәрәхәтләрдән үлгән

Фаҗигадә беркем гаепләнми

 (Казан, 3 декабрь, “Татар-информ”). Районара тикшерү комитетыннан алынган мәгълүматларга караганда, Буа шәһәрендәге күп катлы йортның квартирасында күкрәгенә пычак кадалган 1925 елгы бабайны табалар. Бу уңайдан җентекле тикшерү үткәрелгән. Аның нәтиҗәләре буенча әлеге үлемдә беркем дә гаепләнми, бабай үз-үзен үтергән дип фаразлана. Шаһитлар әйтүенчә, ул, хатыны үлгәннән соң, яшәвемнең мәгънәсе юк, үләсем килә, дип зарланган, дип хәбәр итә “Байрак” басмасы.