Татарстанда машина йөртү таныклыгы булмаган ир-ат тудырган һәлакәттә аның пассажиры үлгән

Юл-транспорт һәлакәтендә җиңел машина һәм йөк машинасы бәрелешкән

  (Казан, 3 декабрь, «Татар-информ»). Кичә Татарстан Республикасының Питрәч районында булган юл-транспорт һәлакәте фаҗигале төстә тәмамланган.
ТР буенча ЭЭМ ның ЮХИДИ идарәсенең пропаганда бүлеге хәбәр иткәнчә, 9.20 сәгатьтә Казан-Шәмәрдән автоюлының 22 километрында “ВАЗ-2115” автомобиле белән “Шакман” йөк машинасы бәрелешкән. Җиңел машина белән идарә итүче 1983 елгы ир-ат тизлеген арттырып каршы як полосага чыккан һәм 1952 елгы ир-ат идарәсендәге йөк машинасы белән бәрелешкән. Һәлакәт нәтиҗәсендә җиңел машинаның 1972 елгы пассажиры шунда ук үлгән, ә йөртүче төрле җәрәхәтләр белән Республика клиник хастаханәсенә озатылган.
Республика Дәүләт автоинспекциясендә җиңел машина йөртүчесенең юл-метеорология шартларын исәпкә алмавын һәм аның машина йөртү таныклыгы да булмавын ассызыкладылар.