Чаллы предприятиясендә вагон рельстан чыккан

Поездлар хәрәкәтендә тоткарлык юк.

(Казан, 3 октябрь, «Татар-информ», Полина Шевчук). Чаллы предприятиясендә вагон рельстан чыккан. Бу турыда «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Бүген 8.10 сәгатьтә ашыгыч хезмәтнең 112 бердәм номерына «Железнодорожник» җаваплылыгы чикләнгән җәмгыять территориясендә вагон рельстан чыгуы турында хәбәр килде.

Тимер юл предприятие эчендә урнашкан, шуңа күрә поездлар хәрәкәтендә тоткарлык юк. Һәлакәттә зыян күрүчеләр юк.