Чаллыда бакча йортында булган янгында хатын-кыз мәете табылган

(Казан, 3 июнь, “Татар-информ”). Чаллыда бакча йортында янгында хатын-кыз үлгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

“Гидростроитель-2” бакчачылык ширкәтендә бакча йорты 3 июньдә төнге сәгать 3нчедә янган. Янгын мәйданы 28 квадрат метрны тәшкил иткән.

Янгын сүндергәндә хатын-кыз мәете табылган. Беренчел мәгълүмат буенча, электр җиһазын урнаштыру һәм куллану кагыйдәләре бозылган.