Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Буран чыгу сәбәпле, ЮХИДИ алдагы тәүлектә торак пунктлардан читкә китмәскә киңәш итә
Татарстан территориясендә көчле буран, җилнең урыны белән секундына 17 метрга кадәр көчәюе көтелә.
(Казан, 3 февраль, «Татар-информ», Полина Шевчук). Һава шартларының бозылуына бәйле рәвештә, ТР Дәүләт автоинспекциясе киләсе тәүлектә торак пунктлардан читкә чыкмаска киңәш итә.
Синоптиклар фаразлавынча, алдагы тәүлектә Татарстан территориясендә көчле буран, җилнең урыны белән секундына 17 метрга кадәр көчәюе һәм күрү ераклыгының начараюы көтелә, юлларда бозлавык булырга мөмкин.
ТР Дәүләт автоинспекциясе мондый һава торышының машина йөртүчеләр өчен бик куркыныч булуы хакында кисәтә.
«Татарстан Дәүләт автоинспекциясе юл йөрү кагыйдәләрен тайпылышсыз үтәргә, юл хәрәкәтендә катнашучыларны бик тә игътибарлы һәм сак булырга чакыра», - дип искәрттеләр ЮХИДИ идарәсендә.
Трассада тиешле тизлек сайларга, кискен һәм уйланмаган маневрлар ясамаска, иминлек каешын эләктерергә кирәк. Балалар автокреслода утырып барырга тиеш.
Кызыклы яңалыкларны күзәтеп бару өчен Телеграм-каналга язылыгыз