Тукай районында 59 яшьлек ир-ат үз йортында янып үлгән

(Казан, 3 февраль, «Татар-информ»). Тукай районында 59 яшьлек ир-ат үз йортында янып үлгән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Кичә кич Совхоз бистәсендә янгын чыккан. Заречная урамындагы шәхси йортта алгы бүлмәдә әйберләргә ут капкан.

Князево авылының ирекле янгын сүндерүчеләре «кызыл әтәч»не авызлыклаган вакытта ир-атның мәетенә тап булган.

Биш квадрат метрдагы янгын тәмәке тартканда саксыз эш итү нәтиҗәсендә чыккан дип фаразлана.