Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан кешесен алимент буенча 120 мең сум бурыч өчен җинаять җаваплылыгына тартканнар
Казанның 40 яшьлек ир-аты алимент түләүдән качып йөргән һәм баласына ярдәм итмәгән.
(Казан, 2 декабрь, «Татар-информ», Полина Шевчук). Казанда яшәүче ир-атны алимент буенча 120 мең сум бурыч өчен җинаять җаваплылыгына тартканнар. Бу хакта «Татар-информ» мәгълүмат агентлыгына Россия Федераль суд приставлары хезмәтенең Татарстан буенча идарәсенең матбугат чаралары белән хезмәттәшлек буенча баш белгеч-эксперты Лилия Хәлимова хәбәр итте.
Суд карары нигезендә, Казанда яшәүче 40 яшьлек ир балага барлык хезмәт хакының дүрттән бер өлешен түләргә тиеш була. Әмма ир алимент түләүдән баш тарткан һәм балага ярдәм күрсәтмәгән. Бу вакыт эчендә алиментлар буенча бурыч 120 мең сумнан артып киткән.
Шунысын да әйтергә кирәк, элегрәк бурычлы кешене баланы карап тотуга акча түләмәгән өчен административ җаваплылыкка тарткан булганнар инде. Әмма бу чаралар аңа бернинди йогынты ясамаган. Ул чакта суд приставлары бүлегенең тикшерүчеләре алиментлар түләмәгән өчен ир-атка карата җинаять эше кузгаткан.
Кызыклы яңалыкларны күзәтеп бару өчен Телеграм-каналга язылыгыз