Түбән Камада «ТАИФ-НК» заводында янгын чыккан - видео

Социаль челтәрләрдә «ТАИФ-НК» заводы водород җайланмасы яну фотосы һәм видеосы пәйда булды.

(Казан, 2 ноябрь, «Татар-информ»). Бүген көндез «ТАИФ-НК» заводында шартлау булды, дип хәбәр итә социаль челтәр кулланучылары.

Һәлакәт урынына барлык махсус хезмәтләр килгән. Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә экстрен хезмәтләр чакыру фактын расладылар.

Әлеге хәлне күрүчеләр сөйләвенчә, баштан шартлау тавышы ишетелгән, аннан янгын башланган.