Бөгелмә районында егет машинада капланып үлгән

Ул юл йөрү кагыйдәләренең 10.1 пунктын бозган дип фаразлана

(Казан, 2 ноябрь, “Татар-информ”). Кичә сәгать иртәнге 7дә Лениногорск – Карабаш юлының 6 нчы чакрымында “Лада Приора” юлдан түбән төшеп капланган. Аның руленда булган 1985 елгы ир-егет юл йөрү кагыйдәләренең 10.1 пунктын бозган, ягъни хәрәкәт иминлеген тәэмин итәрлек тизлек сайламаган дигән нәтиҗә чыгарылган. Машина йөртүче шушы урында һәлак булган.