Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда җиңел машина белән идарә итүче исерек ир-ат байкершаны таптаткан
Кичә кич Җиңүгә 40 ел урамында мотоциклчы кыз алтынчы модельле «Лада» машинасы тәгәрмәче астына эләккән.
(Чаллы, 2 октябрь, «Татар-информ», Эльвира Мөхәммәтдинова). Чаллыда җиңел машина белән идарә итүче исерек ир-ат мотоциклчы кызны таптаткан. Бу турыда җирле Дәүләт автоинспекциясендә хәбәр иттеләр.
Һәлакәт кичә кич Җиңүгә 40 ел урамында булган. Алтынчы модельле «Лада» автомобиле белән идарә иткән 49 яшьлек йөртүче борылганда «Кавасаки» мотоциклына юл бирмәгән һәм 26 яшьлек байкершаны бәрдергән.
Һәлакәт урынына килгән полиция хезмәткәрләре ачыклаганча, җиңел машина белән идарә итүче ир-ат исерек булган. Аның канында 0,547 промильле алкоголь табылган.
Зыян күргән кызны хастаханәгә алып киткәннәр. «Лада» автомобиле йөртүчесенә транспорт чарасы белән исерек килеш идарә иткән өчен беркетмә төзеделәр, дип хәбәр иттеләр ЮХИДИ идарәсендә.
Кызыклы яңалыкларны күзәтеп бару өчен Телеграм-каналга язылыгыз