Түбән Новгородка эшкә килгән татарстанлы кеше үтерүдә гаепләнә

(Казан, 2 октябрь, "Татар-информ"). Түбән Новгородка эшкә барган Татарстан һәм Удмуртия кешеләре бер ир-атны үтергәнче кыйнаган. Әлеге мәгълүмат Россия Тикшерү комитетының Түбән Новгород өлкәсе буенча Тикшерү идарәсеннән алынды. Бу хакта NewsRoom24.ru сайтында хәбәр ителә

27 сентябрьгә каршы төндә Краснобаково районының Ветлужский бистәсендәге йортта яшәүче 51 яшьлек ир-ат янында ике кунак булган. Юк кына сәбәп өчен, кунаклар хуҗаны каты кыйнаган. Хуҗа алган җәрәхәтләрдән үлгән.

Шикләнелгән затлар тоткарланган. Алар Татарстанда яшәүче 31 яшьлек һәм Удмуртиядә яшәүче 30 яшьлек ир-ат булган.

Ир-атлар Түбән Новгород өлкәсендә төзелештә вахта ысулы белән эшләгән.