Казанда 17 яшьлек велосипедчы, машина астында калып, авыр тән җәрәхәтләре алган

Юл һәлакәте кичә Ротор урамындагы 27нче йорт каршында булган.

(Казан, 2 июнь, «Татар-информ», Полина Шевчук). Казанда 17 яшьлек велосипедчы, машина астында калып, авыр тән җәрәхәтләре алган. Бу хакта шәһәр Дәүләт автоинспекциясеннән хәбәр иттеләр.

Кичә «Лада» автомобилен идарә итүче 25 яшьлек кыз Ротор урамындагы 27нче йорт каршында 17 яшьлек велосипедчыны бәрдергән. Башлангыч мәгълүматларга караганда, велосипедчы йорт яны территориясеннән юлга искәрмәстән килеп чыккан.

Нәтиҗәдә, яшүсмер төрле тән җәрәхәтләре алган. Аны ашыгыч ярдәм машинасында хастаханәгә озатканнар.