Татарстанда коронавирустан тагын биш кеше үлгән

Бүгенге көндә республикада Covid-19 инфекциясеннән 343 үлем очрагы теркәлгән.

(Казан, 2 март, «Татар-информ»). Татарстанда коронавирус инфекциясеннән тагын биш кеше: 1933, 1948, 1952 һәм 1980 елларда туган ир-атлар һәм 1951 елда туган хатын-кыз үлгән.  

«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән»,- диделәр ТР Сәламәтлек саклау министрлыгының матбугат хезмәтендә. 

Бүгенге көндә республикада Covid-19 инфекциясеннән 343 үлем очрагы теркәлгән.