news_header_top_970_100
16+
news_header_bot_970_100

Шәхси йортта чыккан янгында өлкән яшьтәге ир белән хатын һәлак булган

Янгын бүген төнге икенче яртыда Алабуга районы Иске Юраш авылында чыккан.

Шәхси йортта чыккан янгында өлкән яшьтәге ир белән хатын һәлак булган
ГУ МЧС России по РТ

(Казан, 2 март, «Татар-информ», Полина Шевчук). Өлкән яшьтәге ир белән хатын шәхси йортта чыккан янгын корбаны булганнар. Бу хакта «Татар-информ»га Россия Гадәттән тыш хәлләр министрлыгының ТР буенча баш идарәсе матбугат хезмәтендә сөйләделәр.

Бүген төнге икенче яртыда 112 бердәм номерына республиканың Алабуга районы Иске Юраш авылында шәхси йорт һәм ишегалды корылмалары януы турында хәбәр килде.

Янгын иртәнге сәгать дүрткә сүндерелә. 5.00 сәгатьтә янган йорттан һәлак булган кешенең мәете табыла. Ике сәгатьтән соң тагын бер янгын корбанының мәете табыла.

Соңрак ачыкланганча, янгында 86 яшьлек ир-ат һәм 89 яшьлек хатын-кыз һәлак булган.

Янгынның сәбәбен дәүләт янгын күзәтчелеге тикшерүчеләренә билгеләргә кирәк булачак.


autoscroll_news_right_240_400_1
autoscroll_news_right_240_400_2
news_bot_970_100