Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда автобус йөртүче һәм кондуктор аңын югалткан балага ярдәм иткән
Автобус салонында кечкенә малайның хәле начарлана, ул иртән ашамаган булган.
(Казан, 2 февраль, «Татар-информ»). Казанда автобус йөртүче һәм кондуктор аңын югалткан балага ярдәм иткән.
«Татар-информ» мәгълүмат агентлыгына ТР Автотранспорт ассоциациясе рәисе Сергей Темляков сөйләвенчә, бүген иртән Казан автобусларының берсендә «Мостоотряд № 3» тукталышында бер малайның хәле начарлана.
«Бала агарды һәм аңын югалтты. 62нче автобуста, бакчага соңга калабыз дип, ул әтисе белән бергә бара иде. Соңрак ачыкланганча, бала иртән ашамаган булган», - дип сөйләде Сергей Темляков.
Автобуста баланың хәле начарлануын белгәч, Гришин Руслан һәм кондуктор Микаева Ирина ашыгыч ярдәм чакырткан. Табиблар килгәнче, шофер янгын сагы хезмәткәрләреннән ярдәм сораган. Алар малай өчен кислород битлеге алып киләләр, шуннан соң ул аңына килә.
Кондуктор баланы баллы чәй белән сыйлаган. Шуннан малайны ашыгыч ярдәм бригадасына тапшыралар. Хәзер баланың сәламәтлеге әйбәт. Автобус йөртүчегә һәм кондукторга рәхмәт белдереләчәк.
Кызыклы яңалыкларны күзәтеп бару өчен Телеграм-каналга язылыгыз