Татарстан юлында шофер яна башлаган йөк машинасын үзе сүндергән
Йөк машинасына Менделеевск районында Алабуга-Ижевск трассасында ут капкан.
Скопировать ссылку
(Казан, 1 декабрь, «Татар-информ»). Татарстан юлында шофер яна башлаган йөк машинасын үзе сүндерә алган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Бүген 10.46 сәгатьтә ашыгыч хезмәтләрне 112 бердәм чакыру номерына Алабуга — Ижевск трассасында «КАМАЗ» януы турында хәбәр алынган.
Йөк машинасы йөртүчесе янгын сүндерүчеләр килгәнче утны мөстәкыйль рәвештә сүндерә алган. Ир-ат янгында зыян күрмәгән.
Янгынның гомуми мәйданы 0.5 квадрат метр тәшкил иткән. Машинага ут кабу сәбәпләре ачыклана.
