Яңгыр сулары баскан Казан урамнарының фотолары социаль челтәрләрдә таралды
Шәһәрдә җитди бөкеләр барлыкка килде.
Скопировать ссылку
(Казан, 1 июль, «Татар-информ», Полина Шевчук). Бүген Казанда көтеп алган яңгыр яуды. Көчле яңгыр кичке алтыларда башланды һәм 20 минуттан соң башкаланың күп кенә урамнарын су басты.
Социаль челтәрләрдән файдаланучылар су баскан юлларның фотосурәтләре һәм видеоязмалары белән уртаклаша. Сул Болак, Петербург һәм Университет урамнарын су баскан. Көчле яңгыр шәһәрнең Киров һәм Мәскәү районнарында да булган.
Шул ук вакытта Казанның Совет районында әлегә кадәр бер тамчы яңгыр да юк, дип хәбәр итәләр.
Яңгыр яву сәбәпле, шәһәрдә җитди бөкеләр барлыкка килде. Юл хәрәкәте кыенлыклары Казанның барлык районнарында да күзәтелә.
