Татарстанда юл кырыена төшеп киткән машинадагы пассажир һәлак булган

Фаҗига республиканың Түбән Кама районында Дмитриевка авылы янында килеп чыккан.

(Казан, 1 июнь, «Татар-информ», Наталия Никифорова). Татарстанда урман юлыннан барганда машина юл кырыена төшеп киткән, пассажир һәлак булган. Бу хакта «Татар-информ»га юл-транспорты һәлакәте шаһитлары хәбәр итте.

Агентлыкка мәгълүм булганча, фаҗига кичә көндезге сәгать уникенче яртылар тирәсендә Түбән Кама районының Дмитриевка авылы янында булган.

Урман юлы буйлап мәйданга төшкәндә, 14нче модель «Лада» машинасын йөртүче 58 яшьлек ир-ат идарәне югалткан һәм машина юл кырыена төшеп киткән.

Машинада утырган 57 яшьлек пассажир юл-транспорт һәлакәтендә үлгән. Җәрәхәтләнгән машина йөртүчене Түбән Кама хастаханәсенә китергәннәр.