Казанда торак йортның балконында чыккан янгынны сүндергәннәр
Янгынны сүндергәннән соң калган төтенне бетерү өчен подъездга махсус җайланма куйганнар.
(Казан, 1 март, «Татар-информ»). Янгын сүндерүчеләр Казандагы торак йортның балконында чыккан янгынны сүндергән.
Бүген 9.50 сәгатьтә янгын сагының 101 номерына Мусин урамындагы торак йортларның берсендә янгын чыгуы турында хәбәр килгән. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Янгын сүндерүчеләр йортның беренче катындагы фатирда балкон януын ачыклаган. Янгын 2 кв.метр мәйданга зыян китергән. Янгынны берничә минутта сүндергәннәр. Янгынны сүндергәннән соң калган төтенне бетерү өчен подъездга махсус җайланма куйганнар.
Һәлакәттә имгәнүчеләр юк.