Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алабуга янындагы М7 трассасында ритуал хезмәт күрсәтү машинасы янып беткән
Транспорт чарасы системаларының, механизмнарының төзек булмавы янгын чыгу сәбәбе булырга мөмкин.
(Казан, 1 февраль, «Татар-информ»). Алабуга янындагы М7 трассасында катафалк машинасы янып беткән.
«Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә әйтүләренчә, бүген 14.52 ашыгыч хезмәтләрне чакыруның бердәм 112 номерына Хлыстово торак пункты янындагы юл читендә «ГАЗель» микроавтобусы януы турында хәбәр килгән.
Урынга килгән янгын сүндерүчеләр катафалк машинасы януын күргән. Микроавтобус йөртүчесе 25 яшьлек ир-ат хәрәкәт вакытында автомобильнең мотор бүлеме яна башлавын күргән. Шофер машинасын туктаткан, әмма янгынны үзе сүндерә алмаган.
Янгынны 10 минут эчендә сүндергәннәр. Һәлакәттә беркем дә зыян күрмәгән, ә менә ритуал хезмәт машинасы тулысынча янып беткән.
Транспорт чарасы системаларының, механизмнарының төзек булмавы янгын чыгу сәбәбе булырга мөмкин.
Кызыклы яңалыкларны күзәтеп бару өчен Телеграм-каналга язылыгыз