Ильяс Камал: Республикабыз бөтен яклап ышанычлы кулларда
Скопировать ссылку
Татарстан Композиторлар берлеге рәисе, Кәрим Тинчурин исемендәге Татар дәүләт драма һәм комедия театры оркестрының сәнгать җитәкчесе һәм баш дирижеры Ильяс Камал Рөстәм Миңнехановның Татарстан Рәисе вазифасына керешү уңаеннан фикерен әйтте.
«Татарстан бүгенге көндә дә чәчәк ата. Рөстәм Нургалиевич, шулай ук, республикабызны үстерүне дәвам итәр дип уйлыйм. Моңа бик тә өметләнәбез. Ул яшьләргә дә, аерым алганда сәнгатькә дә гел игътибарлы булды. Сәнгатьне ярата. Шулай булгач, республикабыз бөтен яклап ышанычлы кулларда», – диде ул «Татар-информ» хәбәрчесенә.