Илья Авербух Камилә Вәлиеваның «Ледниковый период»та катнашу планнары турында сөйләде
Танылган продюсер һәм фигуралы шуу буенча хореограф Илья Авербух Камилә Вәлиеваның Беренче каналдагы «Ледниковый период» шоуында катнашу планнары турында сөйләде. Авербух әйтүенчә, Вәлиева шоуда катнашырга вәгъдә иткән, әмма быел түгел.
«Һичшиксез киләчәкмен, бу проектны бик яратам, әмма быел түгел, диде», - дип тапшырган Авербух Вәлиеваның сүзләрен. Бу хакта РИА Новости яза.
14 гыйнварда «Ледниковый период»ның яңа сезоны башланып китте. Анда Александра Трусова, Алена Косторная һәм Анна Щербакова кебек танылган спортчылар катнаша.
Шулай ук Алинә Заһитова да була. Ул Алексей Ягудин белән бергә шоуны алып барачак. Евгения Медведева судьялар коллегиясе составында булачак.