Илсур Метшин - Идел буе округы субъектлары башкалаларының мэрлары рейтингында лидер
2024 ел нәтиҗәләре буенча, Казан мэры Илсур Метшин Идел буе федераль округы субъектлары башкалаларының башлыклары рейтингы лидеры булды. Ул, 2023 елда беренче урында булган Түбән Новгород башлыгы Юрий Шалабаевны узып, беренче баскычта урнашты. Тикшеренүне «Медиалогия» компаниясе әзерләгән.
Бишлектә шулай ук Ульяновск мэры Александр Болдакин (өченче урын) һәм Оренбург мэры Сергей Салмин (дүртенче урын) да үз позицияләрен яхшырткан. Уфа хакимияте башлыгы Ратмир Мәүлиев, киресенчә, бер баскычка түбән төшеп, бишенче позицияне биләгән.
Компаниядә билгеләп үтүләренчә, Метшинның медиаиндексына БРИКС+ илләре шәһәрләре Муниципаль форумында ясаган чыгышы һәм анда яңгыраган БРИКС+ Шәһәрләре һәм муниципалитетлары ассоциациясен төзү турындагы тәкъдиме, октябрьдә узган БРИКС саммиты, аның чаралары, кунакларны каршы алулар йогынты ясаган. Гаммәви мәгълүмат чараларында Казан мэрының БМО генераль секретаре Антониу Гутерриш белән очрашуы да искә алынган.