Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Илсур Метшин: Горький шоссесы дублерының дәвамы – ул безнең өчен гаять әһәмиятле проект
Казанның Киров районында тимер юлы аша үтә торган яңа автомобиль юлының чираттагы участогын төзергә ниятлиләр. Ул Горький шоссесы дублерын Идел буе урамы белән тоташтырачак. Яңа участокның озынлыгы якынча 1,5 чакрым тирәсе, юл 2 дән 4 полосага кадәр киңлектә булачак. Бу хакта эшлекле дүшәмбе утырышында Башкарма комитет җитәкчесе урынбасары Игорь Куляжев хәбәр итте.
«Горький шоссесы дублерының тимер юлы аша дәвам итүе – ул безнең өчен гаять әһәмиятле проект. Шунысын да аңларга кирәк, мондый юллар бер ел эчендә генә төзелми, әмма безнең юл-транспорт схемасы өчен бу объект аерым әһәмияткә ия», – дип билгеләде Казан мэры Илсур Метшин.
Әлеге юл шәһәрнең транспорт челтәрен үстерүдә мөһим этап булып тора һәм киләчәктә аның аша туры федераль М-7 трассасына чыгарга мөмкин булачак. Яңа юл Юдино, Займище, Күзәмәт, Аракчино, Кызыл тау һәм башка бистәләр ягыннан үзәккә таба хәрәкәт итә торган транспорт агымын җайга салырга ярдәм итәчәк.
Хәзерге вакытта объект төзелешенә комачаулый торган җир кишәрлекләрен сатып алу һәм әлеге кишәрлекләрдә урнашкан корылмаларны сүтү эшләре башкарыла, дип хәбәр итте чыгыш ясаучы.
Кызыклы яңалыкларны күзәтеп бару өчен Телеграм-каналга язылыгыз