Илсур Метшин Россия Дәүләт Думасы депутатларын сайлауда катнашты
Сигезенче чакырылыш РФ Дәүләт Думасына сайлаулар өч көн (17, 18 һәм 19 сентябрь) дәвам итәчәк.
(Казан, 17 сентябрь, «Татар-информ»). Казан мэры Илсур Метшин РФ Дәүләт Думасы депутатларын сайлауда катнашты – шәһәр башлыгы хатыны белән бергә 271нче сайлау участогына тавыш бирергә килде. Бу хакта мэриянең матбугат хезмәте хәбәр итә.
271нче сайлау участогы Казан дәүләт аграр университетында урнашкан. Бүген Татарстанда 2,8 меңнән артык участок ачылды.
Сигезенче чакырылыш РФ Дәүләт Думасына сайлаулар өч көн (17, 18 һәм 19 сентябрь) дәвам итәчәк. Татарстанда параллель рәвештә Азин һәм Студентлар округлары буенча алтынчы чакырылыш ТР Дәүләт Советына өстәмә сайлаулар да уза. Моннан тыш, 17-19 сентябрьдә республикада җирле үзидарә органнары депутатларын өстәмә сайлаулар да үтәчәк.