Архив 17 март 2015 17:59

Илсур Метшин Идел буе федераль округы субъектлары башкалалары җитәкчеләре медиарейтингын әйдәп бара

Төгәлрәге, Казан мэры беренчелекне янә саклап калды

Скопировать ссылку

(Казан, 17 март, “Татар-информ”). 2015 елның февраль нәтиҗәләре буенча Казан мэры Илсур Метшин Идел буе федераль округы субъектлары башкалаларының җитәкчеләре арасында “Медиалогия” мәгълүмати-аналитик системасы медиарейтингында кабат беренче урынга чыкты, дип хәбәр итә мэриянең матбугат хезмәте.

Рейтинг “Медиалогия” ММЧ базасы нигезендә төзелгән, ул аеруча абруйлы 23,1 мең чыганакны – ТВ, радио, газета, журнал, мәгълүмат агентлыклары, электрон ММЧ – үз эченә ала.

Февраль аенда федераль һәм региональ ММЧын анализлау нәтиҗәләре буенча, Илсур Метшинның медиаиндексы 1781,54 пунктны тәшкил итә.
Февраль медиарейтингының икенче урынында – Түбән Новгород шәһәре мэры Олег Сорокин (1386,69 пункт), өченче урында – Саратов шәһәре башлыгы Олег Грищенко (1261,29 пункт).

Шуны да әйтергә кирәк, Илсур Метшин инде берничә ай рәттән “Медиалогия” рейтингында беренчелекне саклап килә.

Сәхифәләр

Илсур Метшин Идел буе федераль округы субъектлары башкалалары җитәкчеләре медиарейтингын әйдәп бара