Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Илсур Һадиуллин: Республика мәктәпләрендә Россия һәм Татарстан флагларын күтәрәчәкләр
Россия мәгариф министры Сергей Кравцов 2022 елның 25 апрелен РФ дәүләт флагын Бердәм күтәрү көне дип игълан итте. Татарстан мәктәпләрендә Россия һәм республика әләмнәре күтәреләчәк. Бу хакта Татарстан мәгариф һәм фән министры Илсур Һадиуллин хәбәр итте.
«Россия флагын күтәрү күп кенә уку йортларының традициясе санала, ул укучыларда ватанпәрвәрлек хисен формалаштырырга ярдәм итә. Әлеге традиция 2022 елның 1 сентябреннән барлык гомуми белем бирү оешмаларында да кертеләчәк. РФ мәгариф министры Сергей Кравцов 2022 елның 25 апрелен Россия Федерациясе дәүләт флагын Бердәм күтәрү көне дип игълан итте. Татарстан Республикасында ул 2022 елның 25 апреленнән оештырылачак һәм көндезге мәктәп яны лагерьларында, ТР Мәгариф һәм фән министрлыгының профильле сменаларында дәвам итәчәк. Республикада, Россия һәм Татарстан гимннары астында, ике әләм – Россия һәм Татарстан дәүләт флагларын күтәрәчәкләр», - диде министр.
РФ Президенты Владимир Путин мәктәпләрдә флаг күтәрү һәм дәүләт гимнын башкару идеясен (әмма мондый тантаналарны лаеклы рәвештә үткәреп була торган урыннарда гына) хуплаган иде. Бу хакта ул чәршәмбе көнне «Россия – мөмкинлекләр иле» коммерцияле булмаган автономияле оешмасының күзәтүчеләр советы утырышында белдерде.
Кызыклы яңалыкларны күзәтеп бару өчен Телеграм-каналга язылыгыз