Илсур Һадиуллин: Укытучыларны коронавирустан прививка ясатуга мәҗбүриләү булмаячак
Министр сүзләренчә, бу ирекле эш.
Скопировать ссылку
(Казан, 21 декабрь, «Татар-инфом», Гөлнар Гарифуллина). Татарстанда укытучыларны коронавирустан прививка ясатуга мәҗбүриләү булмаячак. Бу хакта журналистларга мәгариф һәм фән министры Илсур Һадиуллин әйтте.
«Вакцинация башланды, ләкин бернинди мәҗбүриләү юк. Вакцинация алдыннан укытучылар башка бик күп анализлар да тапшыралар. Барлык этапларны узып, табиблар рөхсәт бирсә, вакцинациягә баралар. Бу аларның үз ихтыярында», — диде министр.