Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Илшат Гафуров Татарстанда әйдәп баручы мәктәпләр ассоциациясен төзергә тәкъдим итте
Татарстанның мәгариф һәм фән министры Илсур Һадиуллин бу тәкъдим белән килеште. Бу сорау буенча эш алып барырга кирәклеген әйтте.
(Казан, 14 декабрь, «Татар-информ», Гөлнар Гарифуллина). Казан федераль университеты ректоры Илшат Гафуров Татарстанда әйдәп баручы мәктәпләр ассоциациясен төзергә тәкъдим итте. Бу хакта ул Дәүләт Советында Мәгариф, мәдәният, фән һәм милли мәсьәләләр комитеты утырышында әйтте.
Аның фикеренчә, ассоциациягә «Адымнар» полилингваль мәктәпләрен һәм югары уку йортлары каршындагы мәктәпләрне кертеп булыр иде.
Татарстанның мәгариф һәм фән министры Илсур Һадиуллин бу тәкъдим белән килеште. Бу сорау буенча эш алып барырга кирәклеген әйтте.
Утырышта, шулай ук, «Адымнар — белем һәм татулыкка юл» полилингваль белем бирү комплексына күп телдә белем бирү буенча республика үзәге статусын бирү турында сүз барды.
Татарстанның Дәүләт Советы Рәисе урынбасары Татьяна Ларионова Казанда гына түгел, Алабугада да полилингваль белем бирү комплексы ачылганын искәртте. Бу комплексларның статуслыгында бер үк критерийлар булырга тиешлеген әйтте. «Казан полилингваль комплекс базасында ресурс үзәген булдыруга күптән ихтыяҗ бар», — диде.
Утырышта катнашучылар, шулай ук, полилингваль мәктәпләр өчен кадрлар әзерләү турында фикер алышты.
Кызыклы яңалыкларны күзәтеп бару өчен Телеграм-каналга язылыгыз