Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Илшат Нуриев: Авыл хуҗалыгы кооперативларына булышу – авыл халкы активлыгы өчен этәргеч
Татарстан Рәисе Рөстәм Миңнеханов республика Дәүләт Советына еллык юлламасында авыл хуҗалыгы кооперативларына ел саен 200 млн сум бүлеп бирү турында әйтте. Бу авыл халкының хезмәт эшчәнлеген арттыру өчен яхшы этәргеч булачак. Бу хакта «Татар-информ»га Казан дәүләт аграр университеты ректорын вакытлыча башкаручы Илшат Нуриев әйтте.
«Бүген авыл хуҗалыгы үсештә булган бөтен районнарда да кооперативларга ихтыяҗ бар, аларның эшен халык яхшы бәяли. Авыл халкын активлаштыру өчен кооперативларга ярдәм итәргә кирәк», – диде ул.
Илшат Нуриев сүзләренчә, Рәис юлламасында авыл хуҗалыгы продукциясен эшкәртү зарурлыгына басым ясалды. Аерым алганда, республикада биш елда сөт һәм ит җитештерү комбинатлары йөкләнеше 50 проценттан 84 процентка арттырылды. 2030 елга 95 процентка чыгу бурычы куелды.
«Республика Рәисе биш ел эчендә нинди эш башкарылганын төгәл аңлатып бирде. Юлламасында ул барлык тармакларга кагылды. Аграр югары уку йорты җитәкчесе буларак, миңа, әлбәттә, авыл хуҗалыгы иң якыны», – диде ул.
Юлламада Рөстәм Миңнеханов кадрлар мәсьәләсенә һәм геном тикшеренүләргә дә кагылды, диде Нуриев.
«Үзебезнең югары уку йортында алдынгы инженерлык мәктәпләрен булдыру буенча бәйгедә катнашырга телибез. Болар барысы да безнең өчен мөһим. Һәм без аның сүзләрен эш өчен бурычлар буларак кабул иттек. Үз алдыбызга зур максатлар куябыз», – дип йомгаклады ул.
Кызыклы яңалыкларны күзәтеп бару өчен Телеграм-каналга язылыгыз