Илшат Әминов: Иң мөһиме, «Татар-информ» укучыларның ышанычын яулый алды
«Татар-информ» мәгълүмати киңлектә тотрыклылык утравы булып кала бирә, кешеләр анда дөрес мәгълүмат алачакларын белә. Бу хакта агентлыкны 35 еллыгы белән котлап, ТНВ генераль директоры, Дәүләт Советы депутаты Илшат Әминов әйтте.
«Үземне белә белгәннән бирле, «Татар-информ»ны укыйм. Аннан башка көн картинасы тулы була алмый. Агентлык укучыларының хөрмәтен һәм ышанычын яулады. Бу гаять зур мәгълүмат диңгезендә тотрыклылык утравы бар, кешеләр анда файдалы, дөрес һәм кирәк мәгълүмат алачагын белә», – диде Илшат Әминов.
Аның фикеренчә, бүгенге шартларда кешеләргә мәгълүмат җиткерүнең яңа платформаларын үзләштерү мөһим, ә «Татар-информ»ның моның өчен бөтен мөмкинлекләре дә бар.
Автор: Арсений Кәримов