Мәдәният 2 апрель 2021 12:51

Илсөя Бәдретдинова Башкортстандагы язгы концерты кичектерелүе турында хәбәр итте

Быел апрельгә планлаштырылган концертның көзгә күчерелүен белгәч, җырчы тамашачыга һәм Татарстан җитәкчелегенә мөрәҗәгать иткән.

Скопировать ссылку

(Казан, 2 апрель, «Татар-информ»). Татар эстрадасы җырчысы Илсөя Бәдретдинова Башкортстанда апрельдә узарга тиешле концертлары кичектерелүе турында хәбәр итте.

«Мин килергә әзер. Сез билетлар сатып алгансыз! Электр уты да бар! Вазгыять үзгәрде», — дип язган ул Инстаграмдагы битендә.

Җырчы тамашачылар алдында гафу үтенгән һәм көзен концертлар булачагына ышануын язган.

«Концертларны көзгә күчереп карыйбыз, Башкортстанга кертерләрме яки юкмы — билгесез», — дип язган артист.

Җырчы шулай ук Татарстан Президенты Рөстәм Миңнехановка һәм Татарстан мәдәният министры Ирада Әюповага мөрәҗәгать иткән.

Җырчыны хуплап Фирдүс Тямаев комментарий язган. Ул да берникадәр вакыт элек Башкортстанда шундый ук проблема белән очрашканы турында хәбәр иткән иде.

Җырчының иҗатын яратучылар һәм татар шоу-бизнесы вәкилләре татар концертларын тыюны аңламауларын белдергән. «Бу оят! Элек „пиар“ дип уйлый идек, хәзер Башкортстанда татарларны җәберләүләрен күрәбез. Бу — сәясәт», — дип яза Инстаграм файдаланучылар.

#Башкортстан #Илсөя Бәдретдинова

Сәхифәләр

Илсөя Бәдретдинова Башкортстандагы язгы концерты кичектерелүе турында хәбәр итте