Илгиз Зәйниев иң зур курчак театры фестиваленең «Иң яхшы режиссер эше» призын алды
Скопировать ссылку
Екатеринбургта узган «Петрушка великий» фестивалендә Илгиз Зәйниев «Иң яхшы режиссер эше» номинациясендә җиңү яулады.
Җиңүчеләр бүген фестиваль ябылу тантанасында игълан ителде.
«Әкият» курчак театры фестивальдә Галимҗан Ибраһимов повесте нигезендә куелган «Адәмнәр» спектакле белән катнашты.
- «Петрушка великий» халыкара курчак театры фестивале Екатеринбургта 2002 елдан бирле үткәрелә. Катнашачак спектакльләрне эксперт советы сайлый. Бер программада традицион һәм эксперименталь, балалар һәм зурлар өчен булган әсәрләр туплана. Спектакльләрне жюри бәяли һәм җиңүчеләрне билгели.
- XI «Петрушка великий» халыкара курчак театры фестивалендә Россия, Казахстан һәм Төркия театрлары катнаша.
- «Адәмнәр» – «Әкият» курчак театрының өлкәннәр өчен куелган спектакле. Ул Галимҗан Ибраһимовның шул исемдәге повестена нигезләнеп куелган. Спектакль «Алтын битлек» театр премиясе номинанты.