Илгиз Зәйниев Әтнә театры өчен махсус пьеса язачак һәм үзе сәхнәләштерәчәк
Скопировать ссылку
Әтнә театры бу сезонын Илгиз Зәйниев сәхнәләштергән әсәр белән төгәлләячәк.
«Илгиз Зәйниев безнең өчен махсус пьеса язачак һәм үзе сәхнәләштерәчәк», – дип сөйләде Әтнә театры директоры Ленур Зәйнуллин «Татар-информ»да үткән матбугат конференциясендә.
- «Әкият» курчак театрының сәнгать җитәкчесе, драматург Илгиз Зәйниев Камал, Минзәлә, Әлмәт театрлары өчен махсус комедияләр язып үзе куйды. Камал театрының «Мәхәббәт FM», «Өйләнәм.tat», Минзәлә театрының «Ситса туй», Әлмәт театрының «Хыял йорты», «АХ яки Мәхәббәт элмәге» - махсус язылган комедияләр.
- Әтнә театрында Илгиз Зәйниевның «Хыял йорты» комедиясе чыкты. Режиссеры – ГИТИС студенты Гөлназ Минкина.