news_header_top_970_100
16+
news_header_bot_970_100

Илдус Диндаровның яңа китабы дөнья күрде

Татарстанның Язучылар һәм Журналистлар берлекләре әгъзасы, ТРның атказанган мәдәният хезмәткәре Илдус Диндаровның яңа китабы Нурлат районы Кәкре Атау авылыннан булган Минталип Миңнехановның тормышы һәм данлыклы хезмәт юлы турында сөйли.

Минталип Миңнеханов – республикабызда танылган фермер, Тукай районы фермерлары берләшмәсе рәисе, үзенең тырыш хезмәте белән бик зур уңышларга ирешкән шәхес.

Татарстанның Дәүләт Советы рәисе урынбасары Марат Әхмәтов, авыл хуҗалыгы һәм азык-төлек министры Марат Җәббәров, Тукай, Нурлат һәм Аксубай муниципаль районнары башлыклары Фаил Камаев, Алмаз Әхмәтшин, Камил Гыйльмановның Минталип Минеханов турындагы җылы фикерләре китапка кереш сүз итеп бирелгән.

Автор якташының нәсел тамырлары, гомер юлы хакында сөйләгәндә бай архив мәгълүматларына таяна, герой тормышындагы төрле вакыйгалар, хәлләр аша аны төрле яклап ача. ​

 

autoscroll_news_right_240_400_1
autoscroll_news_right_240_400_2
news_bot_970_100