Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Илдар Халиков һәм Владимир Якунин шәһәр яны электричкаларына бәйле мәсьәләләр хакында фикер алыша
Транпорт куркынычсызлыгына кагылышлы мәсьәләләргә дә игътибар бирү күздә тотыла
(Казан, 2 март, “Татар-информ”). Бүген Илдар Халиков һәм Владимир Якунин транспорт куркынычсызлыгы һәм шәһәр яны тимер юл транспортында ТР халкына хезмәт күрсәтүгә бәйле мәсьәләләр хакында фикер алышачак, дип хәбәр итә ТР Транспорт һәм юл хуҗалыгы министрлыгының матбугат хезмәте.
Бүген “Россия тимер юллары” ААҖндә транспорт куркынычсызлыгы һәм Идел буе федераль округы территориясендә халыкка транспорт хезмәте күрсәтүгә багышланган округ киңәшмәсе уза. Идел буе федераль округын РФ Президентының Идел буе федераль округындагы Вәкаләтле вәкиле Григорий Рапота тәкъдим итәчәк. Татарстан ягыннан киңәшмәдә ТР Премьер-министры Илдар Халиков, транспорт һәм юл хуҗалыгы министры Ленар Сафин катнаша. Киңәшмәне “Россия тимер юллары” ААҖ Президенты Владимир Якунин үткәрә.
Киңәшмәдә катнашучылар Идел буе федераль округы территориясендә халыкка тимер юл транспорты тарафыннан транспорт хезмәте күрсәтүгә бәйле мәсьәләләр хакында фикер алышачак. Тимер юл транспорты объектларында транспорт куркынычсызлыгын тәэмин итү буенча уртак чаралар хакында да сүз барачак.
Тимер юлда пассажирларга хезмәт күрсәтүче төбәк шәһәр яны компанияләре белән килешүләр төзү мәсьәләсе көн тәртибендәге аерым пункт итеп билгеләнгән. Бүгенге көндә Татарстан, Россиянең кайбер төбәкләре кебек үк, шәһәр яны компанияләре белән килешүләр төземәгән. Килеп туган финанс вәзгыятенә бәйле рәвештә тимер юлда пассажирларга хезмәт күрсәтүчеләр шәһәр яны поездларының саны кимүе хакында игълан итте.
Бу пассажирларны да, халыкка транспорт хезмәте күрсәтүчеләрне дә канәгатьләндерми, әлбәттә. ТР Транспорт һәм юл хуҗалыгы министрлыгында әлеге вәзгыятьне федераль ярдәмнән башка җайга салу мөмкин эш түгел, дип саныйлар.
Кызыклы яңалыкларны күзәтеп бару өчен Телеграм-каналга язылыгыз