Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Илдар Гыйльметдинов: “Үлемсез полк” парад күрсәтү чарасы түгел
Депутат акцияне яшь буынга – балаларга, оныкларга күрсәтергә, аңлатырга кирәк дип әйтте.
(Казан, 9 май, “Татар-информ”, Зилә Мөбәрәкшина). Россия Федерациясе Дәүләт Думасы депутаты Илдар Гыйльметдинов “Үлемсез полк” гражданлык-патриотик акциясе хәрәкәтен парад күрсәтү чарасы түгел, беренче чиратта, Бөек Ватан сугышында катнашкан әби-бабаларны искә алу диде. Бу хакта ул “Татар-информ” хәбәрчесенә сөйләде.
Илдар Гыйльметдинов һәр елны әлеге акциягә коллегалары белән катнашырга чыгуын искәртеп узды. “Бирегә мин әниемнең әтисе – Малик Хафизов фотосурәтен тотып килдем. Ул сугыштан туган якка кайта, мәктәп директоры булып эшли. Без дә кечкенә булганбыз, сугыш турында бик сорамаганбыз, кызганыч”, - диде ул.
“Әти ягыннан дәү әтием сугыш башланганчыга кадәр яшьли үлеп китә. Әбием берүзе дүрт бала белән кала. Ул сугыш еллары турында сөйләми иде, психологик яктан да авыр булганын хәзер аңлыйм”, - диде ул.
“Без өлкән буынны хөрмәт итеп, искә алып тәрбияләндек. Яшьләр дә бездән үрнәк алсын иде дигән теләктә калам”, - диде депутат.
Кызыклы яңалыкларны күзәтеп бару өчен Телеграм-каналга язылыгыз